School-ah Energy Club din

Mamit District chhunga School thlanbik 20-ah energy renchem chungchang inzirtirna turin State Designated Agency for Energy Conservation, Electrical Inspectorate, P&E Department, Aizawl te bultumin Energy Club din a ni a. Heng School thlanbik 20 a Teacher In Charge pahnih (2) te pual hian nimin khan Mamit-a I&PR Conference Hall-ah training buatsaih niin Er. R. Romawia, Chief Electrical Inspector chuan a kaihruai a, Vansangliana, Project Coordinator chuan training a pe bawk. Heng School thlanbik te hi pawisafai bakah LED Bulb leh Tube leh hmanraw pawimawh hrang hrang te pek an ni.