Union Minister campaign

Mizoram Assembly Inthlanpui neih tura BJP tana Campaign turin nimin khan Union Minister Rajnath Singh chuan Siaha District-a Tipa a thleng a, Vantlang Inkhawm neih ah Congress in Central a sawrkar na an chan chhungin hmarchhak State te an ngaihthah nia sawiin, BJP sawrkar hnu chuan Delhi leh hmarchhak bial leh Mizoram te chu thinlung lamah hnai taka awmin hmasawnna nasa tak kalpui a ni, a ti a. Hemi hnu hian Mamit pan leh nghalin Vantlang Inkhawm-ah Mizoram chuan malsawmna tam tak a dawn thu a sawi a, Mizoram-ah Kawng siam nan sum tam tak an dah tih sawiin, Rel kawng Myanmar border thleng siam tumna a awm thu leh Aizawl atanga Sai-sihchhuah thleng bakah Palettwa thlenga Rel hmanga inkalpawhna a awm theihna turin hmalakna chak taka kalpui a nih thu a sawi bawk.