Saitual-ah District Planning Committee thukhawm

/

Nimin khan Saitual District Planning Committee chu District Bawrhsap Dr. Lalngura Tlau hova thukhawmin Saitual District hmasawnna atana hmachhawp pawimawh te an sawiho.

He thutkhawm Saitual DC Conference Room-a neih hi District Bawrhsap Dr. Lalngura Tlau chuan kaihruaiin an thutkhawm chhan leh Saitual District hmasawnna atan a hmachhawp pawimawh te a sawi a. Saitual Bawrhsap chuan Pawlrang khua in Grassroot Index Ranking-a Village Indicator Framework a lawmman pahnihna Award an la chu a lawmawm a tih thu sawiin, Grassroot Level-a an hnathawh chu a fakawm takzet tih a sawi a, District Capital leh Saitual District a khaw hrang hrang tan pawh entawn tlak an nih zia a sawi lang bawk.

He thutkhawm ah hian Pawlrang khua in SDG Grassroot Index Ranking-a Village Indicator Framework atanga an khua a hmasawnna ruhrel siamna tur Project Incentive Award an hmuh hmanga Concept Note an buatsaih cheng nuai 8 senna tur, Construction of Community Water Harvesting Gram Sabha in an lo pass tawh leh tawih thei leh tawih theilo dah hranna tur bawlhhlawh bawm 500, cheng nuai hnih man hu te chu ngaihtuah a nih hnuah Planning a pawmpui tura thlen nise an ti a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »