Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

NGOCC in ECI hmu dawn

Mizoram Assembly Inthlanpui Vote tla te chhiar hun atana December 3 (Pathianni) ruat sawn a nih theihna tura Election Commission of India (ECI) dawr tura New Delhi-a kal NGO Coordination Committee hruaitute chu naktuk, Nov. 28, 2023 tlai dar 3:00-ah Chief Election Commissioner (CEC) leh Election Commssioner dang te hmuh theihna hun siam sak an ni a. He hunah hian NGOCC hruaitute chuan an thilphut te an thlen dawn a ni.

Hetihlai hian Mizoram Kohhran Hruaitu Committee (MKHC) chuan Inrinni khan Koh-hrang hrang hrangah lehkha thawnin Assembly inthlanpui vote chhiar hun sawn tura ngenna chungchangah hmasawnna an hmu lo chu pawi an tih thu an sawi a. New Delhi-a ECI hotute hmu tura kal NGO Coordination Committee hruaitu ten Thawhlehni-a Chief Election Commissioner an hmuh hunah hlawhtlinna an neih a, vote chhiar ni chu sawn a nih theih nan Kohhran hote chu Inrinni emaw, Pathianni emaw-a Kohhran inkhawmah tawngtaipui turin an ngen a ni.

Comments

Popular News (Last 30 Days)