Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

MSSA Conference Chief Secretary in a hmanpui

Mizoram Secretariat Service Association (MSSA) General Conference vawi 18-na chu nimin khan Tourist Lodge, Chaltlang-ah neih a ni a, Chief Secretary Dr. Renu Sharma IAS chuan khuallian niin a hmanpui a ni.

MSSA General Conference-ah hian Chief Secretary chuan MSSA chu Group A Organised Service lian ber an nih thu sawiin, an Service Member ah mipa aia hmeichhia an tam chu thil lawmawm tak a nih thu a sawi a. Sawrkar Ministry kalzelna turah MSSA Member te chu an pawimawh hle tih sawiin, Sawrkar inrelbawlna tha a awm theih nana an tha leh zung an thawh tawhna zawng zawngah fakin lawmthu a sawi bawk. Chief Secretary chuan Sawrkar inrelbawlna-ah mawhphurhna hrang hrang, a bik takin Office Procedures, Finance leh Administration lama an hnathawhte chu chhinchhiahtlak a nih thu sawiin, Sawrkar hmalakna te felfai tak leh a nihna ang taka kalpui a ni thin angin theihtawpa Sawrkar thawhpui lehzel tur leh an hmazawna tihtur awmte rilru zawng zawnga thawk turin a chah a. Communication Skills tipung zel a, an hnathawh sak mipuite rawngbawlna kawngah leh midang biangbiakna kawngah hmasawn tum lehzel turin a chah bawk. Hei bakah hian MSSA Motto ‘Midangte tana rawngbawl’ (Service to others) a nih angin tumah kalkan lova, rualkhai taka hmasawnna a awm zel theih nana theihtawpchhuah turin a chah bawk a ni.

He hunah hian an pawl General Secretary K. Lalkroschhuanga chuan report pein tun dinhmunah MSSA hnuaiah Sanctioned Post 259 atangin Officer 258 an awm mek a. Kumin chhungin Member thar 13 awmin 18th General Conference-ah hian member 200 vel an tel a ni.

Comments

Popular News (Last 30 Days)