MADC Thlasik thutkhawm ni khat awh neih a ni

Mara Autonomous District Council (MADC) Thlasik thutkhawm nikhat awh chu nimin khan MADC Session Hall, Siaha-ah tluang taka neih a ni.

MADC thutkhawm hi Chairman N.Viakhu chuan kaihruaiin New Siaha East-I by-election a MDC thlantlin Nelson Khenglawt chu lawmluhna a neih hnuah Chairman leh House Leader M. Laikaw ten chibai an buk a. Mara ram-a Missionary hnuhnung ber tun thla ni 13-a boral ta Rev. Violet Louise Anne Mark sunna hun hmangin a chanchin an sawi bawk a ni.

Nimin-a Session-ah hian Official Rules pahnih, The Mara Autonomous District Council (Fisheries Department Group A, B & C) Recruitment Rules 2023 leh The Mara Autonomous District Council (Environment & Forest Fisheries Department Group B & C) Recruitment Rules, 2023 te chu House-ah Forest & Fishery changtu EM, Tiahlei chuan a pulut a, hei hi chawhnu lamah sawiho a nih hnuin pass. a ni.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man