MNF in lawmthu an sawi

MNF Party chuan Mizoram Assembly inthlan tluang tak leh harsatna lian tham awm lova buatsaih a ni chu lawmawm an tih thu an sawi a. Candidate leh an tana rim taka thawktute chungah buaina leh harsatna lian tham tawk an awmlo ni a an hriat thu leh rim taka inthlan buaipui hna thawktu zawng zawngte leh mahni vote hlu tak hmanga duh-thlanna lantirtu zawng zawngte chungah lawmthu an sawi a. Chutih rualin venhimna hna thawktute zingah vanduaina tawka nunna chan an awm erawh a pawi an tiin an tawrhpui takzet thu an sawi a. Bial tina MNF Official Candidate-te duhsaka vote tute zawng zawng chungah lawmthu an sawi bawk a ni.