Mizoram Indigenous Games Association din thar a ni

Mizote infiamna chi hrang hrang chawikan leh tih hmasawnna atan Inrinni khan Serchhip-ah ‘Serchhip District Mizoram Indigenous Games Association’ dinin hruaitu pawh insiam nghal a ni.
Inrinni khan Aizawl atangin Mizoram Indigenous Games Association hruaitute chu Serchhip-ah rawn kalin Serchhip Sub-Hqrs. YMA Meeting Room-ah YMA hruaitu thenkhat te nen inkawmna an nei a, he hunah hian Mizo Infiamna chi hrang hrang tih hmasawn nana hma an lo lak tawh dan te tarlangin, Serchhip-ah pawh Mizo Infiamna Kutpui te buatsaih a lo nih tawh thu an sawi a. Tunah hian District 4-ah Indin tawhin, Serchhip-ah pawh Mizo Infiamna te tih hmasawn a nih theih nan pawl din an duh thu te an sawi a, hemi ang hian ‘Serchhip District Mizoram Indigenous Games Association’ hi an din ta a ni.

Mizoram Indigenous Games Association hruaitute chuan Mizoram chhunga Mizopa chherchhuak infiamna zawng zawng an enkawl thu leh Mizo inti ve chiah lo te an awm a nih pawha huap vek tura ‘Mizoram Indigenous Games Association’ tia invuah an nih thu an sawi a. Infiamna kan buaipui tam ber chu hnamdang infiamna a ni tih sawiin, Mizote infiamna chu hnamdang te buaipui a nih ve theihna tura hma an lak mek thu te pawh an sawi bawk a ni.

Serchhip District Mizoram Indigenous Games Association-ah hian President-ah R. Chalhmingliana (AOC Veng); Vice President-ah C. Lalhminghlua (Chhim Veng); Secretary-ah Kaptluanga Ralte (Vengchung); Asst. Secretary-ah Biakremmawia (Vengchung); Treasurer-ah V. Lalrintluanga (Field Veng) leh Fin. Secretary-ah K. Lalzuimawia (New Serchhip) te chu hruaitu atan ruat an ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man