Hmeichhe lam thiam Doctor dah turin sawrkar ngen

Champhai District All NGO chuan Champhai District Hospital-ah Hmeichhe lam thiam bik Doctor dah thuai turin sawrkar an ngen. Champhai District All NGO hi niminpiah khan thukhawmin, Champhai District Hospital-a hmeichhe lam Doctor-in banna a thehluh avanga harsatna an tawh mek chungchang an ngaihtuah a. An harsatna hi a rang thei ang bera chinfel a nih theih nan thuneitute chu Champhai District Hospital-ah hmeichhe lam thiam Doctor dah thuai turin an ngen a, hei hi a hlawhtlin hma chu tuna Doctor awm mek chu tlawm-ngaih chhuaha a hna thawk chhunzawm rih turin an ngen nghal bawk. Hetihlai hian Hmeichhe lam doctor chuan exam in buatsaih a duh avanga chawlh rih a duh thu NGO hruaitute chu a hrilh a ni.