Sipai kahhlum vuiliam dawn

Tunkar Nilaini zan-a Pakistan sipaiten Jammu-a an kahhlum 148 Bn. BSF-a Head Constable Lalfamkima (50), Durtlang North ruang chu nimin khan Aizawl rawn thlenpui niin Vawiin hian vuiliam a ni ang. Tarlan tawh angin BSF 148 Battalion-a Head Constable Lalfamkima hi ramri vengin Jammu-a Pakistan ramri hnaihah a duty a, Nilaini zan khan Pakistan sipai nia hriatte'n Silai-a an ralsaina ah kap fuhin damdawi In panpui ni mah se a boral zui a. Ningani khan a ruang hi Postmortem a nih hnuah nimin khan Thlawhtheihna hmangin Lengpui Airport rawn thlenpui a ni a, Durtlang North YMA chuan ram tana nunna hlantu Lalfamkima hi zah phua an hriat avangin a ruang hi lumenin Vawiin ah vuiliam a ni dawn a ni.