EVM thlaveng te hman theih tura buatsaih an ni

Assembly Inthlanpui neih tura Serchhip District-a Vote thlakna khawl thlaveng-a dah te tan nimin khan First Randomisation, Second Randomization leh Commissioning neih a ni.
Nimin a EVM Reserved Commissioing hi District Election Officer David Lalthantluanga hova neih niin thlaveng-a dah EVM Control Unit 15, Ballot Unit 33 leh VVPAT 12 chu First Randomization, Second Randomization leh Commissioning neih a ni a. Heng EVM Commission tak te hi Reserve Unit vek niin Vote thlak ni-ah khawl chhe palh a awm thulha thlakna tur a ni a. Assembly Constituency tin tan Reserve Ballot Unit leh Control Unit hi 25% zel dah tur a ni a, VVPAT hi 35% dah tur a ni thung a. Serchhip District hian heng mamawh te hi a nei kim tawh a ni.

Nimin-a he hun hmanna ah hian Political Party leh Candidate aiawhte telin naktuk-ah Training leh Awareness Programme hman zui nghal tur a ni dawn a. Heta tana EVM hman te hi Commissioning neih leh tur a ni a, training neih zawhah Commissioning hi neih a ni anga.  ECIL atanga Engineer pathum lo kal ten khawl te hi an endik vek bawk a ni.