Zu hralh leh in khapna siam

Mizoram-ah Assembly inthlanna muanawm a awm theih nan thla thar Nov. 6 leh 7-ah Mizo-ram-a Sipai Canteen atangin Zu hralh leh in khap a ni a, hemi chungchanga Excise and Narcotics Department-in nimin-a khapna thupek a tihchhuah-ah Mizoram-a Zu khapna dan hman mek, The Mizoram Liquor (Prohibition) Act, 2019 hmanga Mizo-ram chhunga zu khapna dan hman lai piah lamah Mizoram Assembly inthlanpui neih tur pualin, The Mizoram Liquor (Prohibition) Rules, 2022 hnuaia Rule No. 5-in thuneihna a pek angin vote thlak hma ni, November ni 6 leh Vote thlak ni November ni 7-ah te Mizoram chhunga sipai Canteen te tan zu hralh leh in khap a ni tih tarlan a ni.

Hei bakah hian Assembly inthlanpui Vote chhiar ni tura ruat, December ni 3 chu Pathianni a nih avangin Dry Day-a puan sa a ni a, khapna thupek awm sa chu zawm turin mipuite beisei an ni tih tarlan a ni bawk.