CEO in ECI-ah thawn tawh

Mizoram Chief Electoral Officer (CEO), Madhup Vyas chuan Mizoram Assembly Inthlanpui Vote chhiar ni sawn tura Kohhran leh pawl hrang hrangte ngenna chu Election Commission of India-ah a hlawma thehluh a nih tawh thu leh a hun sawn turin beiseina sang tak an neih thu Central YMA hruaitute nen nimin-a a Pisa-a an inkawmna ah a sawi a. Mizoram CEO chuan inthlanpui Vote chhiar ni, Pathianni a nih avanga sawn tura Mizoram atanga Kohhran leh Tlawmngai Pawl bakah Political Party atanga dilna lut zawng zawng an dawnkhawm chu hlawm khatin ECI ah kar hmasa Zirtawpni khan an thawn thu sawiin, beiseina an neih san thu hi a sawi a, ECI atangin thuthar erawh an la dawng lo tih a sawi bawk. Tripura-a mahni duhthu a pem thla Tuikuk te chungchang ah CEO chuan, Mizoram Electoral Roll atanga paih vek an nih tawh avangin anni tan inthlan chungchang ah engmah ruahman lawkna siam a ngaih loh thu a sawi bawk.