Zirlai ten nawrh titawp ta

Govt. Higher Secondary School Serchhip a zirlaite chuan an School-a Zirtirtu dah belh phuta nawrh an huaihawt chu nimin khan an titawp ta. 
Govt. Higher Secondary School Serchhip-a zirlai te hian an School-a Zirtirtu mi pali dah belh tura sawrkar kar nan ni hnih chhung Badge dum an belh bakah nimin leh niminpiah khan School kai si in Class an kal duh lo a. Nimin khan sawrkar hotute atanga thu lawmawm an dawn avangin lungawilohna lantir zui zel an lo ruahmanna chu an titawp ta tih an sawi a ni.

Govt. Higher Secondary School Serchhip a zirlaite chuan Mizoram sawrkar in Chemistry Teacher tur attached-a a rawn dah bakah hian SEDP atangin History Teacher tur hi a rawn dah niin an sawi a. Hei bakah hian an phut angin Mizo Teacher leh Physics Teacher turte pawh sawrkar  hian rawn dah a tum nia sawiin, Mizo Teacher hi karleh Thawhtanni-ah a hna hi rawn zawm hman an beisei thu an sawi bawk.