Thu belhchian dawl leh rintlak chhuah turin ngen

Mizoram Lok Sabha MP C. Lalrosanga chuan Mizoram MLA inthlanpui lo awm turah thuthar thehdarhtute chu thu rintlak leh belhchian dawl chauh chhuah thin turin a ngen.

Press Information Bureau (PIB), Ministry of Information & Broadcasting buatsaihin ni khat awh Media Workshop on Systematic Voters' Education and Electoral Participation (SVEEP) nimin-a Aijal Club-a neih a hmanpuina ah Lok Sabha MP chuan Media te chu inthlanpui lo awm turah thianghlim taka thuthar tichhuak tur leh thu belhchian dawl chauh chhuah thin turin a ngen a. Party mal tan bik ti lang lo zawnga inthlanpui boruak siam turin a chah bawk.

He huna khual zahawm Mizoram Addl. Chief Electoral Officer H. Lianzela pawhin inthlan felfai leh muanawm a awm theih nana thuthar thehdarhtute pawimawhna a tarlang bawk. He Workshop-ah hian Inthlan leh a kaihhnawihna thuthar thehdarhtute mawhphurhna te zirho a ni. 

Comments

Popular News (Last 30 Days)

Bawngchawm tlang khualbuk rawktu nia hriat mi 2 man