Serchhip-a sumdawnna dawr te enfiah a ni

Serchhip-a Taxation Department chuan nimin khan Serchhip-ah Mobile Checking neiin dawr hrang hrangte an enfiah.
Election Commission of India (ECI) in State Goods and Services Tax (SGST) khawihtu Sate Taxation Department a phut angin Commissioner of State Tax, Mizoram chuan Mizoram District hrang hranga Taxation Office-te chu Mobile squad dina kan hma lawka MLA General Election lo awm tur denchhena Political party-ten sumdawngte kaltlanga dawr bungraw hrang hrang Election Campaign nana lo hmang awm palh thei venna kawnga hma la turin a ti a. Hemi ang hian Deputy Commissioner of State Tax, Serchhip Zone chuan Mobile Squad hi dinin nimin khan Serchhip khawchhunga dawr lian hrang hrangah Mobile Checking an nei a, he hun hi Asst.Commissioner of State Tax Vanlalruata Ralte hova neih a ni.

Hetianga Mobile Checking neih bakah hian Taxation Department Officials-te chuan GST portal (GST Network) atangin Serchhip District chhunga GST hnuaia dawr in register te chu inthlan dawn hnaiha tam uchuak taka bungraw chahlut thar hluai leh chhiah pe tam thar hluai an awm em tihte online-a an enfiah pekna leh bungraw lakna atangin an en bawk a. Heta an thil hmuhchhuah hi Commissioner of Sta


te Tax, Mizoram Office-ah an report leh dawn a, rinhlelhawm te an awm a nih chuan Commissioner of State Tax Office atangin Election Commission of India (ECI) hnenah report pek leh tur a ni dawn a ni.

Comments

Popular News (Last 30 Days)

Vawiin-ah HSSLC Exam result