Serchhip-ah EVM 1st Randomization neih a ni

Mizoram Assembly Inthlanpui neih tura Serchhip District chhunga Vote thlakna atana hman tur Electronic Voting Machine (EVM) chu nimin khan thliar fel a ni.
Election Commission of India in ruahmanna a siam angin 1st Randomization of Electronic Voting Machine (EVM) te hi nimin khan Serchhip District Election Officer David Lalthantluanga hovin Serchhip DC Office-a NIC Room-ah neih a ni a, he hunah hian Assembly Bial pathum-a Returning Officer leh ARO bakah Political Party aiawhte an tel a, Serchhip DC Office-a Vote thlakna khawl (EVM) an kawl zinga mipuite zirtirna atana an hman bak zawng atangin EVM hman turte hi khawl hmanga thliarfel a ni.

EVM 1st Randomization-ah hian Assembly Bial tina Polling Station awmzat bakah Polling Station atanga chhutin EVM-ah za zela 20 leh VVPAT-ah za zela 30 chu Vote thlak ni a thlaveng (Reserved) atan thlanchhuah a ni a, tun dinhmun ah Serchhip District-ah hian Balloting Unit (BU) 144 awmin Control Unit (CU) 150 leh Voter Verifiable Paper Audit Trail (VVPAT) 131 a awm mek a. Heng atang hian Bial hrang hranga hman turte hi khawl hmanga thliarfel niin heng te hi Pindan hrang theuh ah dah nghal a. Heng atang hian Randominzation neih leh a nih hnuah Polling Station hrang hranga hman tur te chu khawl hmang bawk hian thlirfel ala ni leh dawn a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man