Santosh Trophy-ah Mizoram in hnehna an chang leh

Santosh Trophy khelh mekah nimin khan Mizoram chuan Uttarakkand hnehin Final Round luh beisein an la nei zel.

Mizoram Football Team te hian 77th Senior Men's National Football Championship for Santosh Trophykhelh mekah nimin khan Group 5-ah Uttarakhand chu GNDU Sports Complex-ah hmachhawnin minute 68-na a Laltlanzova goal khung hmangin si khat faiin hnehna an chang a, heti hian match 4 an khelh ah tum thum hnehna changin point 9 an hmu tawh a, Pondicherry chu an Group match hnuhnung berah an hmachhawn leh dawn a, naktuk chawhma dar 11:30-ah an inhmachhawn dawn a ni.

Santosh Trophy khelh mekah hian Group tina pakhatna te leh Group tina pahnihna zinga point hmu tha pathum ten Final Round an thleng dawn a, an Group-ah hian Services chuan khelh 4-ah hnehna la chang vekin point 12 an hmu tawh a, Uttarakhand leh Mizoram te hian point 9 ve ve hmuin Uttarakhand hian Mizoram hneh loh Services an la hmachhawn leh dawn a, hei vang hian Mizoram tan Final Round luh beiseina a la awm mek a ni.