Manifesto 80% vel kan tihlawhtling - Ruatkima

MNF Adviser leh Minister Lalruatkima chuan, “Kan manifesto hi 80% vel hi chu kan tihlawhtlingin kan hria a, kan tihlawhtlin rih lohte pawh nasa taka hma kan lak meknate a ni hlawm,” a ti.

Inrinni-a Aizawl Press Club-a thuthar thehdarhtute a kawmna ah Lalruatkima chuan MNF in an manifesto an siam in an ti mai mai lo tih a sawi a, “Ram leh hnam tana tha tur uluk taka zirchiang chungin kan duang a. Kan sawrkar hnu pawhin party leh Minister-te hian kan manifesto bu keu chung hian ram hruai hna kan thawk a. Kan manifesto-ah hian hmalak miah lohna kan nei lo hialin kan hria a, chuti chung chuan han tihhlawhtlin nghal rum rum theih loh chi a awm a, chu’ngte chu kumin 2023 Election Manifesto-ah hian an telh zui leh a ni,” a ti a. “Pathian leh mipui khawngaihna changa MNF kan sawrkar leh a nih chuan he ram leh hnam tan hian hnathawh zawh loh tam tak kan la nei a. Hengte hi tha tho tak leh taima takin kan thawk zui dawn a ni,” a ti a. “Kan hmalakna tlangpui zawr zawr han en pawh hian kan thawk tha thawkhat hle tih a lang thei,” tiin “Pathian leh mipui zarah MNF hian sawrkarna kan chang leh ngeiin kan ring a, hri lengte a ziaawm zel ang a, boruak zalen leh pangngai hnuaiah nasa lehzualin mipuite rawng kan bawl thei ngei ang tih kan beisei a ni,” a ti bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar