Nodal Officer te ten Election Training neih a ni

Kum 2023 Inthlanpui atana inbuatsaihna kal zelah Serchhip District-a he inthlanpui neih tura kawng hrang hranga mawhphurhna chelh tura ruat Nodal Officer te chu nimin khan Serchhip District Election Officer chuan Serchhip DC Conference Hall-ah kokhawmin Training neih a ni.
Nimin a he hun hman hi Serchhip Addl. DC James Lal-nithanga chuan kaihruaiin naktip nakthai maiah Election neih hun tur puan beisei a nih tawh avangin Inthlanpui inbuatsaihna kal chho mekah Nodal Officer ten an mawhphurhna theuh tha taka hlen turin chak taka hmalak a tul thu a sawi a. Election felfai leh muanawm a awm theih nan Nodal Officer zawng zawng ten an mawhphurhna leh an tih tur chin te hneh taka an hriat a ngai tih sawiin, “Election kaihhnawihah hian tihtur a tam em em a, tihsual pheng phung awm palh thei a nih avangin fimkhur takin kan tihtur te taima takin kan hlen-chhuak tur a ni,” tiin he huna kalkhawm Nodal Officer te chu a fuih bawk a ni.


Serchhip District chhungah hian Assembly Constituency pathum - 26-Serchhip, 27-Tuikum leh 28-Hrangturzo te awmin Polling Station 88 a awm a. Nodal Officer hi tun dinhmunah DEO tiamin 13 ruat an ni tawh a. Election Commission of India duhdan angin Election Training hi kalpui chho zel niin Election kaihhnawiha mawh-phurhna chelhtu sawrkar Official te bakah Political Party te tan pawh training hi buatsaih a ni ang. Nimin-a Training-ah hian District Level Master Trainer pahnih - Gaston Vanlalhriatpuia, Settlement Officer, Serchhip leh Lalhruailiana Zote, SDC, Serchhip ten kalkhawmte an zirtir a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man