MRHG&CD in sawrkar-ah sum chhunglut tam

Mizoram Home Guard & Civil Defence chuan kum nga kalta chhung khan cheng vbc. 13 chuang sawrkarah an chhunglut.

Mizoram Home Guard & Civil Defence hian Mizoram chhung hmun hrang hrang 70 chuangah venhim hna an kalpui mek a, an Directorate hian kum nga kalta khan hmun hrang hranga an duty-na atanga State Sawrkar tana an sum lakluh, Finance Department-a an chhunluh chu Rs. 13,49,80,686 a tling a ni. Kum 2022 leh 2023 inkar chhunga an sum hmuh chu Rs. 2,05,39,152 niin kum nga kalta chhunga an lakluh tam ber kum chu kum 2020 leh 21 inkar niin hemi tum hian sawrkarah Rs. 3,25,26,197 an chhunglut a ni. MRHG&CD Commandant Genereral leh Director ni bawk Maj. Zosangliana Hualngo chuan State pawnah sipai tirh an nih chuan tirhchhuah man lak thin a nih thu a sawi a,venhim hna an thawhna zingah MLA Hostel, Chief Secretary chenna leh Bawrhsap-te chenna te a tel thu a sawi bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar