MLA atangin banna thehlut
Siaha bialtu MLA Dr. K. Beichhua chuan nimin khan MLA atanga banna chu Assembly Commissioner & Secretary Lalhmahruaia Zote hnenah a thehlut a, Assembly Inthlanpui lo awm turah Siaha Bial-ah BJP Ticket in a ding dawn a ni. Dr. K. Beichhua hi kum 2018 Inthlanpui ah khan a tum hnihna atan Siaha Bial atang hian MNF Ticket in MLA atan thlantlin a ni a, Minister of State niin Term laklawh laiin Minister of State atang hian banna thehluh tir niin hemi hnu hian MNF atangin ban a ni leh a. Hun engemaw chen party zawm nei lova a awm hnuah Assembly Inthlanpui lo awm turah BJP Ticket-a din tumin MLA atanga banna a thehlut ta a ni. Heti hian tunhnaiah Mizoram-a MLA pahnih ten MLA atanga banna an thehlut ta a ni.
Comments
Post a Comment