Khawzawl-ah DUDO Office thar hawn a ni

Cheng nuai 170 senga sak Khawzawl District Urban Development Officer (DUDO) Office chu nimin zing khan UD&PA changtu Deputy Chief Minister Tawnluia chuan a hawng.

Khawzawl Zaingen Veng a DUDO Office sak thar awmna hmun hi Deputy Chief Minister Tawnluia te chhungkua in an pa, Hrangkhupa hriatreng nan an pek a ni a. SEDP 2019-20 leh 2022-23 atanga sakna sum hi hmuh niin, building sak zawh nan hian cheng nuai 380 ruahman a ni. Building hi Mizopa chhiara chhawng ngaa sang tur a ni a, Staff Quarters, DUDO Quarters, Office, Garage, Guest Room leh Conference Hall te a awm dawn a ni.

Nimin-a DUDO Offie thar hawn rual hian Mizoram State Rural Livelihood Mission (MzSRLM) Credit Camp neih nghal a ni bawk a, he hunah hian Self Help Group (SHG) 65 ten Bank Branch 5 atangin loan cheng nuai 2,32,40,000 an la a ni. Khawzawl RD Block hnuaiah hian khaw 26 awmin, SHG 400 an awm a, member 3448 zet an awm mek a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man