Kawng siam hnathawh tha ti

Cheng vbc. 5.78 senga Chekawn leh Artah-kawn inkar Black Topping hna zawhfel tak chu Hrangturzo West Block MNF Thalaite chuan Inrinni khan tlawhin kawng siam te chu tha tawk an ngaih thu an sawi.

MNYF Hrangturzo West Block te hian Inrinni khan an President Mikael Lalduatpuia hovin Chekawn leh Artahkawn inkar kawng siam hi tlawhin an President chuan bialtu MLA leh Home Minister Lalchamliana leh MNF Sawrkar hmalakna hnuaiah Hrangturzo Bial chu kawngpui siamthat ah MLA bial 40 zingah hna thawh nasatna ber Bial an nih an rin thu a sawi a. An Bial chhungah hian KM 40 vela thui Keitum leh Chekawn inkar te, KM 21 vela thui Chekawn leh North Vanlaiphai inkar kawng te, KM 14 vela thui North Vanlaiphai leh Artahkawn inkar kawng leh KM 7 chuanga thui Chekawn leh Artahkawn inkar kawng te siam zawh a ni ta chu lawmawm an tih thu a sawi bawk. Heng bakah hian khaw te deuh inkalpawhna kawng engemaw zat chu kum 5 an sawrkar chhunga an siam zawh tel hman thu sawiin, kawng an siam bak te siam leh a nih theih nana hun an neih theih nan kumin inthlanpui ah an Party Candidate chu Vote turin mipuite a sawm bawk a ni.