Inthlanpui a Duty tur ten Training hmasa ber an nei
Niminpiah lamah Serchhip District Assembly Bial pathum a Inthlanpui neih ni-a Vote thlaktute buaipuitu tur thlanchhuah an nih hnuah nimin khan heng mite hian Govt. H/S Serchhip leh Govt. HSS Serchhip-ah training hmasa ber hi an nei a, Presiding Officer (PRO) leh Assistant PRO (APRO) tur mi 107 ve ve te chuan School Room hrang hrang 4-ah Training neiin Polling Official tur mi 214 te pawhin hmun thum-ah Training hi an nei bawk a. PRO leh APRO te hi Gaston Vanlal-hriatpuia, Lalhruailiana Zote, Malsawmtluanga leh Dr. Albert Vanlalruata ten zirtirna pein Polling Official te hi Lalbeiseisanga, Zohmangaiha leh Vanlalsanga ten zirtirna an pe bawk a. Inthlan buaipuitute hriat tur pawimawh hrang hrang leh Vote thlak ni-a an tihtur hrang hrang bakah EVM hman dan te an zirtir bawk a ni.
Inthlan ni-a Vote thlak turte buaipuitu tura ruat te tan hian tum thum Training neih tura ruahman a ni a, tarlan tawh angin tun tumah hian Polling Station 88-a Duty tur bakah Reserved a awm tur mi 19 zel thlanchhuah niin a vaiin tunah hian Polling Party 107 awm tura ruahman niin an Duty-na tur hi tihfel ala ni rih lo a ni.
Comments
Post a Comment