Huaisen chawimawina hlan

Midangte nun chhan nana mahni nunna thapa chechhuak te chawimawina, Jeevan Raksha Padak Award (Posthomus) chu nimin khan Anthony Lalhruaizela, Pukzing hnenah Mamit District Bawrhsap VL. Remliana chuan a hlan.

Kum 23 a upa Anthony Lalhruaizela (Pukzing) hi Indian Army-ah tangin  Assam Regiment, 12th Assam 320- Batch, 2017 a ni a. Kanpur atanga chawlh laa a rawn haw laiin Dec. 13, 2021 khan a thiante nen Tlawng bul, Azuali Falls-ah kalin, a thianpa Lalmawipuia (26) chu a tui hleuh lai Tlawng tui khauh takin a la tih a hriatin a thianpa nunna chhan tumin tui ah a lut a, hetah hian vanduaina tawkin tui-ah hian a tlahlum ta a ni.

Nimin a chawimawina a dawn Jeevan Raksha Padak hian Medal, Certificate leh pawisa Rs. 1,00,000/- a kengtel a. Nimin a chawimawina hlanna hun Mamit DC Conference Hall-a neih ah hian Mamit DC VL. Remliana chuan Jeevan Raksha Padak chawimawina chungchang sawiin, a thian nunna chhan tuma mahni nunna hlantu Anthony Lalhruaizela chanchin chhiar chhuah a ni a. Anthony Lalhruaizela chhungte hnenah Jeevan Raksha Padak Award Certificate leh Medal hi hlan a ni. He hunah hian Anthony Lalhruaizela aiawhin Lalthansanga, Dawrpui Vengthar chuan thu a sawi bawk a ni.