BDO Office building thar sak tumna dodal tum

Serchhip-a tlawmngai pawl, Joint VC leh Political Party aiawhte thukhawm chuan Serchhip P&E Veng-a BDO Office building thar sak tum chu an rem tihlohna thuneitute hnenah thlen nise an ti.

Inrinni khan Serchhip NGO Coordination Committee huaihawtin Serchhip-a tlawmngai pawl hrang hrangte, Village Council te leh Political party hrang hrang hruaitute chu Serchhip Sub-Hqrs. YMA Conference Hall-ah thukhawmin Serchhip P&E Veng Village Council huamchhung, Leisekawt Mual bul ram a Block Development Officer (BDO) Office sak tumna awm nia an hriat chungchang an sawiho a. He Meeting-a tel te hian Leisekawt Mual zauhna tura ram laihzawl tawh sa ah BDO Office building thar sak tumna chu rem an tih loh thu sawiin, hemi chungchang hi tunkar hian Serchhip BDO hnenah tawngka leh ziaka thlen nise an ti a ni.

Serchhip BDO Office atanga thu kan dawn danin tuna Office Building an luah lai chu a rei tawh avang leh sak that a hun tawh avangin tunah hian cheng nuai 224 sengin Office Building thar tur sak hna hi thawh tan a ni a. Serchhip BDO Quarters bul, Leisekawt Mual zauhna atana lo laih tawh hmunah Building thar hi sak tura rua-hman niin tunah hian helai hmuna leivung te paihin Departmental Works in hna hi tan a ni tawh a. Thla riat (8) chhung vela zawhfel hman beisei a nih thu an sawi bawk a ni.

Comments

Popular News (Last 30 Days)

LPG man bithliah thar