Aizawl District Court-ah hawng

Aizawl Judicial District-a District & Sessions Judge Joel Joseph Denga chuan niminpiah khan Aizawl District Court-ah naupang, hur-sualna tuartute leh naupang an nu ten Lung-in an tanpuite leh naupang, chhan hrang hrang avanga Court-a inlan leh kal ngai te tan Child Welfare Officer’s Office leh Children’s Room te a hawng a. He hunah hian Joel Joseph Denga chuan naupang, hursualna tuartuten Court-a harsatna an tawh thin tihtawp a nih theihna turin hetiang hmunhma hi mamawhna a san viau thu leh District Court zawng zawngah pawh siam zel a nih theihna turin MSCPCR chuan hma la zel thei se a tih thu a sawi a. Court building leh a chhehvelah naupang khuai-khem leh pawngsualtua puhte leh a tuartu (victims) te chu a hring a hrana inhmuh palh theihna chance a awm thin avangin a tuartu naupangte chuan Court-a evidence pek chungchangah te harsatna an tawk zui thin tih a sawi bawk.