Zirlai ten lungawiloh lantir tumin ruahmanna an siam

Govt. Higher Secondary School Serchhip a zirlaite chuan tun thla chhunga an mamawh ang Zirtirtu pek an nih loh chuan thla thar October 3 atang khian lungawiloh lantir an tum thu an sawi.
Niminpiah-a School Education Minister hnena lehkha an thehluh ah Govt. Higher Secondary School Serchhip-a zirlaite chuan an Zirtirtu sawn-chhuah leh an aiawh tur dah leh a nih loh avanga harsatna an tawh te tarlangin, History, Mizo, Physics leh Chemistry Subject-a harsatna an tawh te an tarlang a. Hetianga an aiawh tur dah si lova a awmsa laksak an ni zel chu an hrethiam lo tih tarlangin, zirna in a tawrh nasat avangin an aiawh tur a rang thei ang bera dah nise an duh tih an sawi a ni.

GHSS Serchhip-a zirlaite chuan heng Subject pali (4)-ah te hian Zirtirtu an neih theih ngei nan Seprtember, 2023 chhung sawrkar ngaihchan an tum thu leh engmah dah tumna thawm an hre lo a nih chuan October 23 leh 4-ah Badge dum bel an tum thu Education Minister hnenah hian an sawi a. Hemi chhunga a hlawh-tlinna an la hmu lo a nih chuan October 5 leh 6-ah School kal chunga Class a awm lovin hei pawh hian awmzia a la nei lo a nih chuan October 9-ah an Zirtirtute leh DEO Office kal tur dan bakah October 10-ah kawngzawh tur a nih thu te pawh an tarlang a ni.