Serchhip District kum 25 tlin lawmna District Bawrhsap hovin neih a ni
Serchhip District Silver Jubilee lawmna hunah hian Bawrhsap David Lalthantluanga chuan Serchhip District in kum 25 a tling ta chu lawmawm a tih thu sawiin, he District lo pian theihna tura hma latu zawng zawngte leh Serchhip District mipuite lawmpuina a hlan a. Kum 1998 atangin kum 25 chhungin Serchhip District hian hma a sawn nasa hle tih sawiin, Department hrang hrang 31 lai an awm tawh thu te, ziak leh chhiar thiam kawngah phei chuan India ram pumah pakhatna a nih thu te sawiin, Hmasawnna ruhrel tam tak din a nih dan te; zirna, eizawnna leh khawsakna kawngah nasa taka hma an sawn thu te a sawi a. Chutihlai erawh chuan tunhnai chhoah Serchhip District chhungah HIV/AIDS leh damdawi hman khawlohna a hluar chho mek chu a pawi takzet tih sawiin, hei hi do hneh turin sawrkar mai bakah tlawmngai pawl, Kohhran te leh mipui kan tanrual a ngai tih a sawi bawk.
n theih nan hma an la a. Kum 1986-a sawrkar thar a lo pianin Joint Action Committee for District Headquarters, Serchhip din niin he pawl hming hian July ni 2, 1987 khan sawrkarah District dilna thehluh a ni a. Kum 1990-ah Special Committee on Re-organisation of Districts and Sub- Division, Serchhip chu siam niin Mizoram a District Re-organisation atan rawtna an thehlut a, Mizoram hi District 5-ah then rawtin Ramri leh map te pawh fel taka siamin ni 27.8.1990 khan sawrkarah Serchhip Town Special Committee hmingin lehkha an thehlut a. Mizoram khaw pawimawh hrang hrang ah te campaign-in an in tir chhuak bawk a ni.
Kum 1996-ah Serchhip District Headquarters Demand Committee siam leh niin Mizoram chu District 8-ah then nise tiin ngaihtuahna an hmang a. Map te siamin ramri tur leh Headquarters turte theuh nen siakin November ni 17, 1997-ah sawrkarah thlen a ni a. July ni 29, 1998 khan sawrkarin District thar siamna tichhuakin Aizawl District chu District 3 - Aizawl District, Aizawl North District leh Aizawl South District-ah then a ni phawt a. June ni 3, 1999-ah District thar siam te hming thlak danglam lehin, Aizawl South District chu Serchhip District tia vuah a lo ni ta a ni.
Serchhip DC Office hi September ni 15, 1998 ah hawn a ni a, Deputy Commissioner hmasa ber chu Lalkungi Hnamte niin a tirah hian Serchhip AOC Veng-ah sawrkar Department dang building luahin kalpui a ni a. Tun thlengin DC nghet mi 15 an awm tawh bawk a, Serchhip District chhungah hian Sub-Division pathum - Serchhip Sadar Sub-Division, Thenzawl leh N. Vanlaiphai Civil Sub-Division te a awm a. RD Block pahnih - Serchhip leh East Lungdar te a awm a, Thing-tlang khaw 40 leh Notified Town pathum awmin Village Council 54 a awm mek bawk a ni.
Serchhip District kum 25 tlin lawmna ah hian Serchhip-a Serchhip-a SDyM hna lo chelh tawh H. Dolianbuaia leh Addl. DC hlui Lalmuan-sanga Ralte bakah thawktu hlui te pawhin thu an sawi a. Anni bakah hian Serchhip District a pian theihna tura thawk mi hrang hrangte pawhin thu an sawi a. Addl. DC James Lalnithanga chuan lawmthu a sawi bawk a ni.
Nimin-a he hun hmanna ah hian Ser-chhip District a pian theihna tura thawktute leh sawrkar Department hrang hrang hotute bakah khawtlang mi pawimawh te an tel a ni.
Comments
Post a Comment