Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Wrestler te zinchhuak

Mizo Wrestling Association (MWA) buatsaih 6th Inter District Wrestling Championship, 2023 chu nimin khan NKGSA Hmar Veng Basketball Court, Kolasib-ah neih tan a ni a, Mizoram District hrang hrang atangin Weight tin atangin Wrestler pahnih zel telin, Inchai chak mi 119 an tel a, Mipa 75 leh hmeichhia 44 niin Inchai vawi 108 a awm thei dawn a ni. He intihsiakna ah hian Serchhip District Wrestling Association chuan Wrestler mipa 20 leh hmeichhia mi 8 tirin Manager leh Coach pakhat ve ve bakah Official mi 4 ten an ho a ni.

Comments

Popular News (Last 30 Days)