Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Serchhip-a Two Wheeler Taxi Stand tur puan a ni

Serchhip khawpui chhunga Two Wheeler Taxi Stand tur chu hmun 5-ah siam thar a ni ta.
Hemi chungchanga Serchhip Addl. SP in thuchhuah a siam danin Sawrkar ruahmanna anga Serchhip khawpui chhunga Two Wheeler Taxi service a awm dawn tak avangin an dinna hmun tur (Two Wheeler Taxi stand) siam a tul tak thu leh a kaihhnawih Department te, Serchhip Two Wheeler Taxi Owner's Association (STTOA) hruaitute leh khawtlang hruaitute nen ngun taka enho a nih hnuah mipui vantlang tana remchang leh tha turah ngaih te chu Wheeler Taxi Stand atan Sept. 29, 2023-ah puan a nih thu a tarlang a. Two Wheeler Taxi Stand atana puan tak te hi Serchhip Bazar-a C. Kap-chawla In kawt (Meter 6) te; Serchhip Bazar Kawt, Mizoram Civil Pensioner Association Diamond Jubillee Lung leh a chhak lam Bung kung inkar (Meter 6) te; DTO Office, Darnam tlang kawt veilam sir (meter 3.5) te; Darrokungi In kawt, IOC Veng (meter 7.8) leh Laldinpuia In kawt, College Peng, New Serchhip (Meter 12) te a ni.

Comments

Popular News (Last 30 Days)