Serchhip mi thihna thu ah a chhung ten FIR thehlut

Nizan hmasa a Aizawl Zotlang-a boral Laldinpuii (30) chu Serchhip-a a ruang rawn lak a nih hnuah nizan khan vuiliam niin he thihna thleng hi chhuifiah a nih theihna turin a chhungte chuan Police-ah FIR an thehlut.
Thudawn danin Laldinpuii d/o Lalsangliana (L), Serchhip Leisang Veng hi pasal neiin Aizawl Zotlang-ah a pasal nen an awm a, nizan hmasa khan a boral thu Serchhip-a a chhungte hi rawn hriattir niin mahni intihlum nia sawi a ni a. Amaherawh chu a taksa ah hian kutthlakna hnuhma nia ngaih theih te a awm avangin he thihna thleng hi chhuifiah a nih theih nan Laldinpuii chhungte hian Vaivakawn Police Station-ah FIR an thehlut ta a ni.

Laldinpuii ruang hi Police te chuan a hmunah enfiah nghalin Postmortem tura tih a nih angin nimin khan Aizawl-ah Postmortem nghal a ni a, nimin chawhnu lam khan a ruang hi Ser-chhip rawn lak niin B. Vanlalsawma te In, Leisang Veng-ah dah a ni a, nizan khan vuiliam nghal a ni.