Serchhip-ah MNF ten infuihtharna hun an hmang

MNF East Block Serchhip chuan Inrinni khan an huamchhunga Unit hrang hranga Electrd OB te tan Assembly inthlanpui lo awm tura hnehna an chan ngei theihna tura hmalak dan tur sawihona leh infuihtharna hun an hmang. Serchhip Venglai Mizo Hnam Run-a he hun hman hi MNF Adviser leh Serchhip Bial-a an Candidate tur J. Malsawmzuala Vanchhawng
chuan hmanpuiin Pathian duh zawng thlir chunga inngaitlawm leh thuhnuai rawlh taka Campaign tur an nih thu a sawi a. “Pathian leh kan ram tan titu party kan ni a, Pathian duh zawng eng nge tih thlir chungin, fimkhur takin kan campaign a tul hle,” a ti bawk.

J. Malsawmzuala Vanchhawng chuan inthlan hmachhawn turin Serchhip bial-ah MNF aia bultanna nei tha an awm lo tih pawh sawiin, “Unit leh Block nghet tak kan nei a, Candidate turah buaina a awm lo a, party chhungah inhrui-pawhna engmah a awm lo bawk a. Village Council zawng zawng deuhthawah MNF a sawrkar mek bawk,” tiin “Hetihrual hian mipui nawlpui, neutral te puihna tel lo chuan tumah an tling thei lo a. Chuvangin MNF Party worker te hi mite tana thawhpui chakawm leh puih chakawma kan awm zel a tul a, mi khawngaihna kan dil anga, mipuiten an rawng bawl thei turin hnehna min chantir ngei ang,” tiin he huna kalkhawmte chu a fuih a ni.