Serchhip-ah Lok Adalat thutkhawm neih a ni
Serchhip District-a Lok Adalat thutkhawm hi Serchhip District Court building-ah neih niin Bench pahnih-ah thut a ni a, tun tumah hian Bank a leiba kaihhnawih thubuai 11 leh thubuai dang chhungkaw buaina te, hlawhfa leh a ruaitu inkara thubuai te leh leiba rulh theih loh thubuai 20, a vaiin thubuai 31 ngaihtuah a ni a. Bank-a leiba kaihhnawih thubuai 8, Rs.10,89,467/- hu chu inremna siam niin thubuai dang 13 chinfel a ni bawk a, hei hi Rs. 67,62,210/- hu a ni bawk.
Tun tuma National Lok Adalat hi District 8-a District Court te bakah Gauhati High Court, Aizawl Bench leh New Capital Complex-a Mizoram State Legal Services Authority-ah te neih a ni a. Tun tuma National Lok Adalat-ah hian Mizoram bikah thubuai chinfel tur lutkhawm zawng zawng chu thubuai 3640 a ni a, thubuai lut zinga a tam ber chu Telephone Bill ba chung-chang leh Bank hrang hrang atanga thubuai lut, Loan rul tha lote chungchang a ni a, hei bakah hian In hmun Lo ram inchuh thubuai te, mimal inkara sum inpuk thubuai te leh ro inchuh thubuai te pawh a tel a. Thubuai lut zinga 1,853 chu chinfel niin, heta tanga sum hmuh zawng zawng chu 6,33,83,025/- a ni.
Comments
Post a Comment