Sailam-ah Puantah chung-chang zirhona neih a ni

Mizoram Startup Mission, Planning & Programme Implementation Department chuan nimin khan Sailam khua ah Puantah chungchang zirhona hun an buatsaih.
Village Level Development Prog-ramme (VLDP) hnuai Entry Point Activity (EPA) Project atan a thlan pakhat ‘Community Weaving Centre’ bawhzui nan Zoluti Inpui, Sailam-a ‘One day workshop on Rules & Regulations of Society and Preparation of Guidelines for Functionality of the Community Weaving Centre’ tih thupui hmanga he zirhona hunah hian Sailam VCP Zohmingsiama leh Handloom Weavers Society, Sailam-a President Zovuani te chuan Vantlang Intawm Puan-tahna Hmunpui (Community Weaving Centre) an sak chungchanga an hmalak dan leh an thlen tawh chin te, Sailam Handloom Society dinhmun leh an kalphung tlangpui te an tarlang.

He hunah hian FC. Liannghinga, Deputy Commissioner of State Tax leh Irene Chhangte, Design Consultant te chu Resource Person atan hmangin Branding leh Social Media thatna te leh sumdawnna lama hman tangkai dan tur te zirho a ni a. Handloom Society dan leh inrelbawldan tur te, Vantlang Intawm Puantahna Hmunpui kal hmang te zirho a ni bawk.