Political Party tan Election Training neih a ni

/

 Mizoram Assembly Election, 2023 lo awm tur atana inpuah-chahna kal mekah nimin khan Champhai DC Conference Hall-ah Political Party te tan Election Training buatsaih a ni.

He training-ah hian Champhai District huamchhunga Assembly Constituency pathum - 23 Champhai North, 24-Champhai South leh 25-East Tuipui huamchhunga Congress, MNF leh ZPM party hruaitute an tel a, Champhai DC leh District Election Officer James Lalrinchhana chuan Champhai District huamchhungah inthlanna dik leh felai tak neih anih theihnan Political party-te leh sawrkar Official-te inkarah inhriatthiam tawnna boruak tha leh thawhhona tha tak a awm a tul takzet tih a sawi a. Election kaihhnawih inkaihhruaina leh zawm tur hrang hrang ECI in a siam te chu bel taka lo inzir theuh tura kalkhawm te chu chahin, Election kaihhnawiha party-te mamawh leh hriat duh hrang hrang te tihfel sak turin Election Office chu a inpeih reng tih a sawi bawk.

He hunah hian Model Code of Conduct chungchang, Election kaihhnawiha sum hman chungchanga inkaihhruaina hrang hrang leh Eection kaihhnawiha Media inkaihhruaina leh Media Expenditure chungchang te zirho a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »