Nodal Officer Training nei

Mizoram Legislative Assembly (MLA) Inthlanpui 2023 lo awm tura Kolasib District chhunga mawh-phurhna nei Nodal Officer-te tan nimin khan Kolasib DC Conference Hall-ah training buatsaih a ni a. He hun hi Kolasib District Election Officer John LT. Sanga chuan hmanpuiin, inthlan a hnaih tawh avangin mawhphurtu hrang hrangte training ngawrh taka kalpui a ngai tawh tih a sawi a. Nodal Officer-te chu training-naa an thil zirte uluk leh ngunthluk taka ngaithla tura chahin, inthlan felfai tak kalpui a nih theih nan an mawhphurhnate tha taka hlenchhuah tum turin a chah a ni. He hunah hian Kolasib District chhunga MLA Inthlanpui 2023 atana Nodal Officer atana ruatte telin State Level Master Trainer, Vairengte Sub-Divisional Officer (Civil) Lalremruata Sailo chuan Nodal Officer-te tana hriat tur pawimawh hrang hrang a zirtir a. Zawhna leh chhanna leh sawihona hun hman a ni bawk.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man