MNF in Candidate tur tifel; Hrangturzo bial-ah mi thar dah

MNF Party chuan Mizoram Assembly in-thlanpui lo awm turah Bial 38-a an Candidate tur chu an tifel tawh nia thudawn a ni.
MNF Nomination Committee hi Inrinni khan an Party President, Zoramthanga hovin an thukhawm a. Zonet tarlan danin MNF Nomination Committee hotu pakhat chuan, bial hrang hranga an Party Ticket-a ding tura hming chhawpchhuah te an thlirho hnuah bial 38 a ding tur te an ruat fel tawh a. Bial pahnih Candidate la tih fel lohte chu Aizawl South-II leh Chalfilh niin, Aizawl South-II hi Independent MLA Lalchhuanthanga bial nilai niin an la tihfel loh Bial pakhat, Chalfih bial hi Assembly Speaker Lalrin-liana Sailo bial vawn lai a ni a, ani hi MNF Ticket in a ding leh dawn em tih hriat a ni rih lo.

MNF Nomination Committee hotute chuan, an party Ticket-a ding tur zingah hian a tlangpuiin MLA dinglai te chu an bial ngai-ah an ding nawn deuh vek dawn a, thlak  an nei vak lo tih an sawi a. An candidate te puanchhuah hun tur erawh an la ngaihtuah leh dawn tih an sawi bawk.

Serchhip District-a Assembly Bial pathum zingah 26-Serchhip AC-ah J. Malsawm-zuala chu ding tura puanfel a lo ni tawh a, 27-Tuikum AC-ah bialtu nilai Er. Lalrinawma chu ding lei tura ngaih sa ni bawkin 28-Hrangturzo AC-ah Lalremruata Chhangte chu ding tura ruat a ni thung nia thudawn a ni a. Hrangturzo bial hi Home Minister nilai Lalchamliana bial niin ani hian din a tum tawh loh thu a lo sawi tawh a ni. Lal-remruata Chhangte hi Zirlai Pawl (MSU) lama hruaitu hna chelh thin niin Politics-a a luh hnuah MNF-ah lutin MNYF-ah Vice President te pawh lo ni tawh thin a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man