Mizo hming hawhtirtu nia lang te YMA in an kawm

Sub-Hqrs. YMA Lunglei hruaitute chuan Zir-tawpni khan hnamdang hnena Mizo hming hawh tirtu nia lang mi 18 te chu kawmin, dan an hrilhfiah bakah an thil tih chu ram leh hnam tan a him loh dante an sawipui a. Hnamdangte nena an sumdawn tlanna ah ram leh hnam tan him lo leh inchimral theihna kawng awlsam a inhawn thin avangin ram leh hnam himna tur ngaihtuah a, ram leh hnam hmelma ni lova, khua leh tui tha ni chunga dan ang taka sumdawnna kalpui turin YMA hruaitute chuan an sawm bawk a ni.