Lirthei nuai 2 chuang awm

Transport Department chhinchhiah danin thla hlui Auhust 31, 2023 thleng khan Mizoram-ah lirthei 2,94,395 a awm. Mizoram-ah lirthei a pung chak hle a, tunhnai kum 4 chhungin lirthei register thar 1,18,147 awmin Mizoram-a lirthei zawng zawng atanga zaa 40.13 chu tunhnai kum 4 chhunga register a ni a; heng zingah hian lirthei ke pahnih nei tam berin 2,00,597 a awm a, hei hi Mizorama lirthei awm zawng zawng atanga chhutin zaa 68.13 a tling phak a. Ambulance 236 awmin, kangthelh motor 17 a awm a, mipui te’n zin veivahna atana an hman ber Maxi Cab chu 2,396 register a ni tawh bawk. Transport Department chhinchhiah danin nikum March ni 31 hnuah Mizoram-ah Maxi Cab register belh a awm lo a. Bungraw phur lirthei 20,859 register a ni tawh thung.