Lehkhabu Pho Rûnpui neih tan leh a ni

Mizo Writers Association (MWA) buatsaih ‘Lehkhabu Pho Rûnpui’ tum thumna (LPR-3) chu nimin khan Aizawl Vanapa Hall hulhliap-ah tan a ni.

Nimin-a LPR-3 hawnna hun hi Art & Culture Department Joint Director Gen Khan Do-a chuan khuallian nia hmanpuiin Mizo ziakmite chuan lehkhabu tha tak tak an thiamna leh finna sawmkhawmin an lo ziak tawh thin tih sawiin, an lehkhabu ziah te hi zirlai naupang ten an chhawr tangkai thin thu leh Art & Culture Department Library-te pawh exam hmachhawn tur te’n an chhawr tangkai thin thu a sawi a. Ziaktu 16 kutchhuak lehkhabu 17 tlangzarh nghal a ni. 

LPR-3 hi tunkar Inrinni thleng neih tura ruahman niin, zirlai naupang leh pisa kai te tana dawr a awlsam theihna turin zing dar 9:30 atanga tlai dar 5:30 thleng hawn a ni dawn a. Inrinni-ah erawh a kharna inkhawm buatsaih a nih dawn avangin chawhnu dar 1:00 thleng hawn a ni thung ang.