Lalduhoma MLA Fund hman dan MNF in a dik lo niin hria

MNF Party chuan Serchhip bialtu MLA leh ZPM Chief Ministerial Candidate Lalduhoma’n MLA Fund a hman dan thenkhat chu dan dik lo nia sawiin, thenkhat chu mak an tih thu an sawi.

Nimin-a Aizawl Press Club-a thuthar thehdarhtute an kawmna ah MNF General Hqrs. a General Secretary VL. Krosshnehzova chuan Lalduhoma hian a MLA Fund atang hian 2021 - 2022 (kum 2) chhung lekin dam lo kan nan Rs. 16,42,000/- a hmang nia sawiin, MLA-in a kanna dawngte hi mi 30 an nih thu an sawi a. Cheng nuai 2 chuanga damlo kan mi 6 neiin a bak chu Rs. 5000/- chunglam a kan an ni hlawm niin an sawi a. “MLA-in damlo a kanna dawngte kan lawmpui em em a, chutihrual chuan Party bil pual leh campaign-na rawngkaiin damlo kanna duhsak bikte-a a pe teuh teuh mai hi erawh hriatthiam a har,” a ti.

Lalduhoma hian a Fund hman danah pawl phuahchawp hming a hmang nasa hle nia sawiin, Welfare hminga Fund tam tham tak tak a pekte chu pawl tak awm lo, phuahchawp an ni hlawm tih VL. Krosshnehzova chuan a sawi a, “A veng leh khua mite pawhin hetiang pawl hi a awm an hre lo,” tiin “Pawl rintlak tam tak an awm lai leh a khaw neitu, hmasawnna hna thawk tura Agency dik, Village Council an awm reng laia pawl phuah-chawp a hmang duh hian a rilru a tichiang hle,” a ti bawk.

Comments

Popular News (Last 30 Days)

LPG man bithliah thar