Kawng danpin titawp ta

National Highway-54 in Serchhip khawpui a helna a ram neitu ten zangnadawmna an dawn tur ang pek an phut avanga hnathawktu an dan chu nimin atang khan an titawp ta. Tarlan tawh angin Serchhip by-pass Road-a ram neitute hian zangnadawmna an dawn tur ang te pek an nih loh avangin tun thla ni 2 atang khan Serchhip by-pass Road-a kawng siam hna thawktute leh helai hmun-a Lei dawh hna thawktute hnathawk tur hi an dang a. Hemi chungchangah hian tun thla ni 4 khan sawrkar hotute nen inbiakna nei mah se inremna nei thei lovin hnathawktute hi dan chhunzawm zel an ni. Hetianga hnathawktu dan an nih hnu hian nimin khan ram neitute leh NHIDLC hotute chuan District Bawrhsap David Lalthantluanga kaihhruaina hnuaia inbiakna an nei leh a, NHIDLC hian thla thar October thla chhunga zangnadawmna pek an intiam avangin kawng danpin hi nimin atang khan tihtawp a ni ta a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man