Latest News

Inbiak leh rawtna pawm

Assam sawrkarin ramri buaina chingfel tura inbiakna chhunzawm a rawtna chu Mizoram sawrkar chuan a pawmpui.

Home Commissioner H. Lalengmawia chuan Assam sawrkar Home Department-in ramri buai chingfel tura inbiak chhunzawm an rawn rawtna chhanna hi Ningani khan thawn a nih thu a sawi a. Chutih rual chuan Minister pahnih inbiak chhunzawm leh hmain Mizoram lamin Assam-in a ta neih khaw 62-te Mizoram chhung ami ngei an nih thu leh he'ng khua a mi chengte chanchin leh tunhma atanga an dinhmun a thehluhte chu State sawrkar pahnih Official-te'n chipchiar takin sawiho leh phawt ni se tiin an rawt a. Assam rawtna pakhat, 'Regional Committee' din chungchang chu Assam thenawm ramri buai an neihpui dang Menghalaya leh Arunachal Pradesh sawrkarte nena Regional Committee an din chhan leh a tangkainate sawifiah turin an ngen bawk a ni. Home Commissioner chuan Regional Committee din hi ramri buai chinfelna atan a tangkaina tur an la hriat rih loh thu a sawi bawk.

Comments

Popular News (Last 30 Days)