Latest News

ECI atang thudawn la nei lo

Mizoram Election Department chuan Mizo-ram MLA inthlan tur chungchangah sawrkar laipui leh Election Commission of India (ECI) attangin tunhnaiah thudawn an nei lo a, kumin kumtawpa inthlanpui nei turin an inbuatsaih mek zel. Sawrkar laipuia BJP kaihhruaiin Lok Sabha leh State hrang hrangte a ruala inthlan (One Nation, One Election) a nih theihna tura hma an lak mek chungchang leh Hmeichhiate tana Seat Reservation chung-changah Mizoram Election Department chuan thu dawn an nei lo tih sawiin, ECI kalphung angin Mizoram MLA inthlan hnuhnung ber, kum 2018-a inthlan hun, November 28-a inthlang tur angin kumin May thla atang khan ngawrh takin an inbuatsaih mek tih an sawi a ni. Kum 2018 MLA inthlan neih hun tur kha October 6 (Inrinni)-ah puan niin, kumin hian hemi zulzuia kal a nih chuan inthlan puan nan chawlhkar hnih vel chauh a awm tawh a ni.

Comments

Popular News (Last 30 Days)