HRD Board Vice Chairman in NHIDCL hotu kawm

Human Resource Development Board Vice Chairman Dr. L. Thangmawia MLA chuan NHIDCL Executive Director V.Jakhara chu nimin khan a Pisa-ah hmuin NHIDCL hmalakna hrang hrang a sawipui.

HRD Board Vice Chairman Dr. L. Thangmawia hian a bial (Lengteng) chhunga kaltlang, Manipur pawhtu kawngpui NH 102(B) chu Manipur a Zofaten chak lak nana rinpui bera an neih mek avangin motor tlan a tam a, kawng a chhe chak hle tih hrilhinn, hetih laia a ngenna ngai pawimawha NHIDCL-in a theih ang ang a cheithat hna an thawh zel avanga lawmthu hrilhin ngawrh zawka vil a tul thu leh fur zawh veleh thazawka kawngpui hi siam tha nghal turin a ngen nghal bawk a. Puilo leh Tuichang inkar, Pu Aichhinga Road in National Highway a pawhna tun thlenga la siam loh chu a hriatthiam loh thu te, Ngopa in kumthar 2024 March thlaa KTP General Conference a thlenna tura Pandal structure phurh dan turte a sawipui bawk.

NHIDCL Executive Director V. Jakhara chuan ruahtui a tlak nasat avang leh Motor tlan a tam avanga NH 102B kawng chhe thawmthat hna duh anga a chak theih rih loh thu leh amah ngeiin a hmuna kala karleh a a endik tur thu MLA hi a hrilh a. Pu Aichhinga road junction pawh a Contractor te phone a be nghalin a rang thei anga Puilo VCP hriatpuinaa siam turin a hrilh nghal a. KTP khawmpui pandal pawh phurh theih anih veleh ruahmanna a theih anga a lo siam tur thu a lo hrilh bawk a ni.