Home Secretary hovin Meitei te thukhawm

Mizoram sawrkar-a Commissioner & Secretary, Home Department H. Lalengmawia hovin nimin khan a Pisa-ah Home Department Officer-te leh Meitei, Mizoram University leh Pachhunga University College-a thawk aiawhte chuan Hmar Students’ Association te leh Zirlai Pawl dangte'n Mizoram Meitei-te laka vauna lam hawi thuchhuah an siam chungchanga MIzoram Governor hnenah Meitei Faculty (Teaching and Non-Teaching) te'n Campus chhung leh pawna khawsa ten an hna an thawh chhunzawm leh thuai theih nana hma laksak tura an ngenna chungchang sawiho a ni a. Tun dinhmunah, chhungkaw thil avanga pakhat la zawm lo tih loh chu Meitei te hian an hna an zawm leh vek tawh tih an sawi a. Mizoram sawrkar leh University-a an thawhpuite, abik takin Home Department hmalakna chu chhuanawm an tiin thlamuanthlak an tih thu an sawi a, Sawrkar leh mipui zahngaihna ah lawmthu an sawi bawk. Mizoram chu muanawm leh hnathawhna hmun nuam tak anih thu te, Mizote chu fel an tih thu te an sawi a. University-a an mawhphurhnate pawh tha tak leh dik taka thawh zel an tum thu an sawi bawk a. Tun dinhmunah Mizoram chu ram ralmuang, chenna tlak a nihzia an sawi lang bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar