Collective Farming Policy duangchhuak

Agriculture Minister C Lalrinsanga chuan leilet neitute tan Collective Farming Policy duang chhuah a nih thu a sawi. Nimin-a Aizawl Press Club-a thuthar thehdarhtute a kawmna ah Minister C. Lalrinsanga chuan Collective Farming Policy hnuaiah Category I leh II ruahman a nih thu sawiin, “Category-I hian leilet neitu member 51 atanga 100 inkar huamin, Category-II chuan leilet neitu 20 atanga 50 neitu a huam thung ang,” a ti a. Leilet neitute chu Farmer Producer Organisation (FPO) anga hlawmkhawm an nih dawn thu sawiin, “Buh leh thlai dangte an chin kawnga hmalak dan tha zawk, hlawk zawk leh tunlai zawkte awlsam taka thar thei turin kawng siam sak an ni ang,” a ti a, FPO te chu lei lehna khawl, buh phunna khawl, a sengna khawl leh a vuakna khawl thlenga ngaihtuah sak an ni dawn tih a sawi bawk.