ECI Team ten SVEEP Exhibition an hmanpui

Chief Election Commissioner of India Rajiv Kumar kaihhruai Election Commission of India Team chuan nimin khan Aizawl-a Assembly House Annexe Conference Hall-ah Systematic Voters' Education and Electoral Participation (SVEEP) Exhibition leh Voter te chawimawina hun buatsaih chu an hmanpui.

Election Commission of India Team te hian Mizoram District tina SVEEP hmalakna kaltlanga Vote nei thei zawng zawng Electoral Roll a inziaklut turin leh vote thlak pawimawhna inzirtirna an kalpui dan tarlan chu an thlir a. District Election Officer tin te’n an hmalakna hi an sawifiah a ni. Heng bakah hian Model Polling Station leh EVM bakah Aizawl District SVEEP Merchandise hrang hrang pawh he hunah hian phochhuah a ni bawk. He hunah hian Voter Category hrang hrang – kum 80 chunglam, Hmeichhe voter, Young voter, Persons with Disability aiawh mi pakhat theuhte bakah State Icon pahnih – S. Malsawmtluanga leh Lalbuatsaiha te hnenah chawimawina hlan a ni bawk.

Nimin-a he hun hman ah hian Mizoram Chief Electoral Officer Madhup Vyas chuan inlawmna thu sawiin, CEC Rajiv Kumar chuan ECI in SVEEP hla a phuah ‘Main Bharat Hoon’ tih Mizo tawnga lehlin chu inthlanpui lo awm tur Theme Song atan a tlangzarh a. Pachhunga University College zirlai te’n vote thlak pawimawhna thupuiah hmangin lem an chang bawk. College hrang hranga Electoral Literacy Club (ELC) atangin leh Upa pawl, Differently Abled Society, Young voters leh hmeichhe voter aiawh sawm bikte an tel a. He programme zawh hian ECI Team hian Delhi an pan nghal a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar